"Paynawa tana pa.."

"Kasaket ne? Itang migising nakamu misan aldo na balamu anang karakal kulang. Itang lawen me ing cellphone mu, tapus maybud nakang mangaga. Itang buri meng akit kasu ali pwedi. Buri meng akasabi kasu mali. Itang mamasa ka pa rin dyang balu mu naman keng sarili mu na, ala na.

Itang atin kang pagsisyan dyang ala naka man gewa. Itang akutang mu namu keng sarili mu,

""NANUNG KULANG? NANUNG PWEDING GAWAN PARA MIBALIK KA? DANA, NANUNG MALI?""

Itang enaka mipandatun simula nyang mikawani kayu, itang balisa ka pero emu balu nung bakit? Itang balamu anakang bayat katawan, itang ala kang sigla. Itang ala nakang ganang mamangan, neng kayi magjoke la reng mamulang mung barkada pero imbis na mayli ka, mangaga ka. Kasakit pala ita ne? Balamu murit naka. Dyang pilit meng kakalingwan pero emu agawa. Dana balamu pamyalungan naka ning tadhana. Pipilitan mung aayusan ing sarili mu pero magkasakit ka. Eme abuu ing sarili mu kasi nga ating kulang, eme abuklat ing pusu mu kareng aliwa kase nga atyu kaya ing susi. Pilit ka pa rin kakapit dyang balu mu namang malwat neng binili keng relasyun yu. Pilit mu pa rin sisiksik ing sarili mu dyang balu mung atin neng aliwang kaluguran. Peynan tamu kasi ing lub tamu eh, etamu gewa ing dapat. Etala kasi peglaban. Kaya siguru manasakit tamu pa rin angga ngeni kasi etamu pa atanggap, nya eparin kakayap ing sugat dareng pusu tamu kasi paburen tamu ing sarili tamung manasakit kareng akakit ampo daramdaman tamu. Ibili tanala, tutal masaya nala rin naman keng aliwa. Paburen tanalamu, paynawa tana pa. Manaya tanamung mas deserving keng lugud a peramdam tamu keng maling tawu ampo keng maling panaun."

Arcye IT Dhvtsu 201*