Jollibee Boy meets Princess Ninia

"Jollibee Boy

Warning: Long story ahead. ""Kapag kayo, kayo talaga.""

First time kong sumulat sa ganito, sana po basahin ninyo. Salamat Happy Valentine's Day po sa lahat.😊

I was second year college when I meet this girl named Ninia, who changed my whole life. Siya ung naging rason kung ano man ang naging buhay ko ngayon. Ganito po yan guys...

Balamu kapilan pamu, kayari ku iskwela diretsu ku agad king obra ku, awa working student ku pu. Magobra ku king Jollibee. Masakit kasi ing kabilyan mi, apulu kaming mikakapatad (ela pa masipag kanita deng pengari ku.hahaha) panganam ku, apat no deng tala-asawa. Oneng e naman sapat ing panakitan ng Tatang ku king pamagtindang pandasal, at pamaglaku ng Ma kung gule, bakanta aibie da ing pamangailan mi niya mepilitan kung mekipagobra, gang labag king buri ng Ma ku, megpumilit ku, kasi bisa ku talagang mayari pamagaral. Sabi dapin, ""dakal a panaun pero ditak mu ing pagkakataun."" Niya gang kontra la deng pengari ku, sinigi ku pa rin. Bisa ku kasing maging Engineer. Sayang naman ing panaun nung tuknang ku. Lalu na tutwa ing bili, at tsaka buri kula rin asopan deng pengari ku, lalu na't dakal lapa ding pagaral. O talagang emu asasabi nung kapilan ka lugud, eku rin asahan pero dinatang yamu bigla. Mag-attend ku kanitang birthday ning kaluguran ku, ngeni itang kaluguran na ni kaluguran ku, atin yang kayabe kaluguran na, wapin iya i Ninia. Mumuna ke pamung ikit, sininta naku, tinibuk ya ing pusu ku. Eku balu bakit mituran ku kaya. Alwa ya karisma. Karin megumpisa ing ""love story"" mi. Marine kupa kanita, pero oneng king kakapilit da reng ala kung marineng barkada, sikanan ku ing lub kung kwanan ke number. Maswerti ku naman at binie ne. Kayari ning aldo a ita, wapin na ini, meinlab ku! Me lab at pers sight ku. Megumpisa ing egana-gana king text-text gang miras king inadd ke king peysbuk, tas chat-chat. Mag-meet kami once a month. Almost 6 months mu rin ing balamung ""MU"" bayu meging ikami. Asnakung kaligaya, sa wakas apasagut ke, gang eku expect. Okay na kanaku na akakit keng maligaya. Malagu ya at yaku, enakuman kasantingan, aminadu naku man kanita. Ala kung sasalikut kaya, maligwat salita dela ke kekami, gang malati ya ing bale mi at medyu maskup, eku ikit kaya na mendiri ya o meg-impokrita ya. Balamu ala man kaya, kaagad komportabli ya. Tas pepakilala ke kareng pengari ku. Sinabi ku rin na magobra ku Jollibee at enakeman makwalta kalupa da, awa miki-agyu la at magaral ya king private school king Angeles. Ekune i-mention pota akilala daku pa. Pero gang makanita man e megbayu kanaku, tinggap nakung buung-buu. Oneng balu ng strict la ding parents na, meg one year ke pamu bayu ya meg decide na pakilala naku karela, pero aku malwat kuneng pipilitan na pasyalan ke karela para maging pormal at legal na ing relasyun mi. Oneng e bisa. Nirespetu ku ita. Menenaya ku king right time. Dintang i panaun, birthday na kanita, minta ku king bale da. Kadatang kupamu king gate ning bale ra, akit kuna nung makananu kalawut ing pagitan ning status mi. Makatuknang lapa king Sub. Awa kaakit ku king place da menlati ku lawe king sarili ku, kakarug ku pin kanita at mag-adwang isip nung tuluy kupa. ""Tuluy kupa kaya?"" Baka ma-OP ku at medyu marine ku oneng e masyadu ""bongga"" ing susulud ku, kumpara kareng sosyal at high class dang bisita. Pero kapag pala sincere ka at malinis ka intensyun, nanu mong dahilan para dumine ka? diba? ing importanti aku eku manako at mabibie ku king malinis a paralan. Tinuluy ku, leko ku ing dine at sikanan ku ing lub ku. Karas king kilub dang bale, tambing ikit naku at selubungan nakung Ninia, ""ing ayli na angga langit"" balamu itang ligayang emu asali at apalitan nanu man. Kinawul nakung matalik at inagkat naku king karelang sala. Sabi na ""atiu la keta di Papa at Mama, tara lungub ka ana. Aro, mengalgal nano na naman deng tud ku. Pero pasibayu, sikanan ku ing lub ku. Scene: Kalub mi king sala disnan mila di Ma na po Tatang na. Aku: Hello po, mayap a aldo pu. sabe kung siniklod. Binie danoman ding gamat da. (Peluklukan daku at nilukluk naku man) Ninia: Pa, Ma boyfriend ko po si ----. Mama na: Ahhh wapin iya itang kukwentu mu kekami? Ninia: Opu Mama. Kilala daku na pala ding pengari na, kukwentu naku pala. Sadyang tyinempu yamu i GF. Ninia: Wait mu. Kwa kemu pu sagli pamangan i ----. Kwentuhan kayu pa pu ken. Papa na makalawe ya kanaku mula't babo anggang lalam, aneng katitig. Akmul nakung akmul. Mangalgal ku, daig kepa ing e makapali. Mama na: Magaral kapa? Nanung course mu itu? Aku: Opu. Civil Engineering pu. Mama na: Ahhhh. future Eng. ka pala. Nanu obra na Tatang mu? Nanu pagkaabalahan ng Ma mu? Asno karakal a kutang. Aku: I tatang ku pu mag-pandesal ya, tapus pu i Ma ku pu maglaku yapung gule palengki. Mama na: Ahhhhh. Tinangu-tangu yamu tas mipaglalawe la ning asawa na. Tas sitsitan la. Eku antindyan oneng medyu malaut ing pagitan mi. Dakal la kutang, balamu reporter la naman. Meging honest ku karela. Pekibatan kung masalese ing bawat kutang da. Eku marine nung nanu man ing bie at kabuhayan mi. After a while... Tatang na: E naman king kayi itu, ing tutu na nini matas kami pangarap king anak mi. Niya papagaral miya ba yang midinan masanting a bie. Siguru epa istu na makipagrelasyun ya. Masyadu kayu pang anak, magpakayari kayu pa. Datang mu rin ing aldo para kekayung adwa ning anak mi. King tonu na ning salita na, a-feel kung enaku buri para king anak na. Tahimik at menlati naku na naman. Aku: Balu ku naman pu ita. Enakuman pu mamaligwa. Handa ku pung manenaya at seryosu ku pu king anak yu. Awa mekibat ku pu, bakanita balu da na seryosu ku at tapat ing lugud ku para king anak da. Tatang na: Siguru epa ngeni itu. Sana antindiyan mu. Matas kami pangarap kang Ninia. That time minisip ku. Maybug kung kumyak. Masakit ku bili nung deng pengari na mismu ning kaluguran kung babai edaku buri. Eda ku tanggap. Pero antindiyan kunoman. Ninu mong pengari na eda buring sumanting ya kabilyan ing anak da? Ninu mong pengari ne e mengarap matas para king anak da? Niya antindiyan kula.

Dinatang ing oras na dinatang ya i GF. Menahimik kami para-parewu. Ninia: Ba't ang tahimik nio guys? During that time, alang binulad/bubulad. Aku: (dimput ke ing cellphone ku) Ayyy babe, pasensya na, mako naku, atin biglang emergency king bale. Bagus ing tutu na nita, mentun kung dahilan, ba kung miuli agad, kasi enaku komportabli, abug ku namu mako ku. Itang feeling na atiu ka king ""hot seat"". Ninia: Awa sige. Okay mu ita babe. Ing pekamahalaga naman mipunta ka. ( metamle ya lupa at apansin ku king bosis na na medismaya ya). Ena buring pakit kanaku na manasakit ya. Lalu na birthday na pa, tas misan kemung lakwan. Aku: ""Babe ( sabe abut king gift ku)."" Malati yang teady bear tas atin yang kayabeng atlung Rosas with note. Ena balu pakasalikut ita king ""backpack"" ku. Penipunan ku ita. Aneng kaswelu. Melwalas ya ulit lupa, tas mengapalwa ya. Ena kasi expect. Balu na kasi dakal gastus king skul. Expect na talaga kasi eke regalwan. Ninia: ""Thank you babe! (sabay yakap nang mahigpit. Ika talaga ne? anakang kasikretu. Ot meg-abala kapa? Diba sabi ku keka na datang kamu masaya naku diba? Ika talaga ne. Pero thank u talaga kanini. Mesuprise ku babe."" Tas kewulan naku ulit. Kayi megpaalam naku. Ita na pala ing last time na mikit kami. Na miyabe kami. Awa guys. Karas bale megnilay-nilay ku. Eku mipatudtud at eku mipakali king lugar ku. Minisip kung banayad, at megdisisyun. Text neng text pero eke sikasu i GF. Balamu ala ku king arimwan ku. Panga pota kingwa ke CP ku at tinext ke.

""Siguru epa ini ing ustung panaun para kekata. Siguru ustu la na magpakayari tapa bakanta sumanting tamu bie. Kapag melyari ita, pwedi tanaman magbalikan. Epa ngeni babe. Tandanan mu kaluguran daka gang nang malyari. ika at ika pa rin ing atiu king pusu ku nanuman ing malyari ika pa rin ing luguran ku. Pantunan kepa siguru ing sarili ku. Hanggang keni namu. I love you so much."" Kabang tatype ke ini, lalagusgus ing luwa ku. Sobrang sakit guys.

Bayu ke sinend minisip ku ulit. Pero sabi ku, ustu naman siguru ing gawan ku. Para naman kekaming adwa ini. Balikanan ke kapag atin naku ipagmaragul kareng pengari na.

Megreply ya;

""Babe, ninanu ka? Kapag joke mu talaga ne? Lagi mu naku mu pagtripan. aha Kasalese tapa nandin, kasaya tapa nandin. Nanu ini? Pagtripan mu ko? Birthday na birthday ku magdrama kang makanyan. I love you. Thank you pala ulit king egana-gana. Ika ing binuu king aldong ayni. Yiehhhh. kikilig ne kanyan.aha I Love you ulit. muahhhhh!""

Kabasa ku king text na mengapagaga ku lalu, makokonsensya ku. Eke nireplyan. Mikabukasan. Eke pa rin nireplayan. Mamawus yang mamawus eke sasagutan. Sinapak yang text ag misscall CP ku eke pa rin rereplayan. Minta ya kekami, pero penabilin ku sabyan da ala ku, na meko ku, na linuslus ku Manila. Sabi ng Ma ku, gaga ne kanung gaga. Nanu kanung problema ku. Malulunus lapin di Ma ku kaya, kasi kanu neng pangayayat at mengalumata ya. Nung masakit kaya, mas masakit kanaku na lakwan ke, nung balu namu nung makananu keng kaluguran.

Tatawli ng text:

""Edaka antindiyan. Nanung problema? Nanung gewa kung mali? Sabyan mu kanaku. Magpasorry ku, salese tamu mu babe. E itang makanini, na bigla nakamung mako at eka pakit kanaku. Nanu ing problema babe? Tanggapan ku naman eh. Makaadya nakuman nung nanu man ita. Basta emu makanini. Makabigla. Tanggapan ku naman gang sabyan mung atin nakang alwa kesa king maglupa kung tanga kakapanenaya king sagut mu kaku. Emunaku kaluguran? Ot makanini? Balu ku ala tanaman problema, menanu ka? Babe? Kapag megreply ka ibig sabihin kaluguran muku pa, kapag ali naka balu kuna at tanggapan ku gang sobrang sakit. Sige pakawalan da naka, nung ita ing makapagpasaya keka."" Eke maybug lawen text ng ini, eke ayayamyam. Buri keng replayan, kahit sabyan kumu na ""I love you so much."" kasu ali na, pota masa yapa kanaku lalu at magkasakit kaming parewu. Anang kabayat king salu. Tutu man. Gaga nakung gaga. Pero kailangan kung manindigan king gewa kung disisyun at tatagan ing lub ku. Ita ing tatawli ming conversation. Mabilis milabas ing panaun. Megfocus ku king studies ku, puru pamagaral bakanita gang makananu ekepa aiisip. pero masakit. Sobra! After 3 yrs meg-graduate naku. Mipasar board at mekapagobra. Manipun para king house and lot at the same time susuporta king pamilya ku. Ita naman talaga ing pangarap ming adwang Ninia ku. Niyang ume nakung balikan ke, tawli na ing egana-gana, balita ku mekyasawa ne i Ninia at mabuktut ne. Awa guys, mekapakyasawa ya kanung makwalta. Pikasundu dala. Masakit kanaku ita, kasi metung ya kareng inspirasyun kung bakit megpakayari at megsumikap ku. Tas mabaliwala ngan pala. Mitawli naku. Dakal girls a liligid-ligid. Pero eku me-attract. Alwa ya pa rin i Ninia. Iya pa rin ing kaluguran ku. Alang megbayu king feelings ku para kaya. Iya at iya pa rin ing pantunan da reng mata ku. Mabilis milabas ing limang banwa. Invited ku king birthday na ning anak ning barkada ku. Inanak ke. Minta ku, at eku expect ing akit ku karin. I Ninia, invited ya naman pala? Kayabe ne ing anak na. Ala pa rin pamagbayu, malagu ya pa rin gang medyu metaba ya. Parehu kaming me shock, anang ka-awkward! Marine kupa at eke alawe-lawe daretsu, balamu babalik ing milabas a sakit a depatan ku kaya. Dintang i oras na kwentu-kwentu. Gang atiu kami king metung a table, eku pa rin makalawe kaya, ing dine ku matas pa kaku. Ngeni akwentu na na ""biyuda"" ne. 1 yr na kanu maygit. Mete ya husband na king car accident. Enaman king kayi, ikami pin siguru talgaa guys.Before leaving the party, pegsabyan keng masalese, misabi kami. Kinwentu ku ing resa-resa bakit miparas king makanta ing relasyun mi. Menyad kung sorry at sabi na malwat naku ng petawaran. Kasi i Tatang na kanu mismu menyad yang dispensa kaya at kinwentu na ing melyari kanita. Meg-aminan ke rin na kaluguran mipa ing metung at metung. This coming Feb 25 mag 2 years nakaming miyayabe. Atin nakami rin baby, 1 yr old ne. Hopefully by next year maayus na ing egana-gana at apakasalan kune ing peka-kaluguran ku. Adala kune king dambana. We can't wait for that moment na parewu kaming sumumpa king Guinu. Siguru pin ne guys, ""kapag ikayu talaga, ikayu talaga."" I Ninia iyang makatadhana kanaku, milawut keman pasibayu nakaming piikit ning kapalaran.😊 #ForeverIsReal"

Mr. Engineer CE other 2010